السبت، 1 أكتوبر 2016

قصة ملحد مغربي مع الإسلام بالدارجة المغربية .. كيفاش النبي لي هو أشرف الخلق كينعس مع العبيد ؟

عن الصورة: أرشيف

ملحد مغربي - مجلة أقليات 

اليوم بغيت نعاود لكم قصتي مع الاسلام وكيفاش قررت نخرج منو.. البداية كانت منذ الطفولة منين كنت كنطرح أسئلة بحال (منين جاء الله ؟؟ فين كاين الله ؟؟ علاش مكنشوفوهش ؟؟ ) كان ديما الرد ديال العائلة ديالي على هاد الاسئلة هو الجواب التقليدي لي كيدل على سياسة القطيع والجهل (هاد الاسئلة مكيسولوهمش الناس ) ومن بعد اعتدت على المسألة بحالي بحال كاع الناس. وقدرت نقنع راسي ان هاد الاسئلة ماهي الا وساوس. منين ولات عندي 15 السنة. كنت كنقرا فالكتريام وبدات اسئلة جديدة كتراودني.. خصوصا منين بديت كنقرا درس'' التوكل و التواكل'' تم بديت كنحس اننا فقط كنبرروا عدم استجابت الدعاء بأشياء تافهة بحال ...راه خصك تخدم وتسنى والا مااستجبت الدعوة راه حيتاش ماشي هادي وقتها وبزاااف ديال التبريرات لي ماليها حتى معنى. أكيد بلا منسى سورة الفتح لي كانت السبب ديال السؤال الشهير ( الى كان الاسلام منتشرش بالسيف فعلاش كاينين الغزوات ؟؟ والغنائم ؟؟ الى كانت حقا الغزوات دفاعية.. فشناهوا المبرر ديال الفتوحات الاسلامية واش دخل المسلمين الاندلس ؟؟..دازت الوقت وباقي ملقيتش لاجوبة. نهار لي غنقول طفح الكيل هو داك النهار لي مغيتنساش لية كانت عندي عشرين سنة و قريت ديك الاية '' وان خفتم ان لا تقسطوا فاليتام فنكحوا ماطاب لكم من النساء مثنى و ثلاثى ورباع فأن خفتم ان لا تعدلوا فواحدة أو ما ملكت ايمانكم '' تم قلت (كيفاش الله كيعطي حل للقسط في اليتامى بالنكاح ) و كيفاش (الله كيحلل اربعة نساء . واش العيالات سلعة ) وسؤال الاخير كان الفيصل ( من هم ''ملكت اليمين لي حلال على المسلم ينعس معاهم ).. من مشيت لتفاسير القرءان كانت الصدمة قوية حيتاش مستحيل انسان بكل قواه العقلية انه يعتبر النوم مع العبيد امر انساني.. كيفاش الله كيحلل النوم مع العبيد دون عقد زواج ؟؟ كيفاش النبي لي هو اشرف الخلق كان كينعس مع العبيد ؟؟ بقيت كنقلب فالمسألة وزدت تصدمت انه دوك ملك اليمين هم اسرى الغزوات لي تقتلوا ليهم ازواجهم و تم تفرقتهم على المجاهدين كالسلع لي يناموا معهن.. أنا متقبلتهاش.. ومشيت كنبحث على اي شيخ يحاول يفهمني المسألة ولقيت بعض الشيوخ لي قدروا يبردوا شوية القاضية ولكن الطامة الكبرى نهار قريت حادثة سبايا اوطاس وعرفت ان الله و النبي حللوا معاشرت و اغتصاب نساء لهن ازواج. في ذالك الوقت كرهت الاسلام ومقدرتش نبقى فيه.. من بعد زدت تعمقت واقتنعت ان الاديان مجرد وسيلة لسيطرة على الشعوب وتحقيق المصالح الشخصية ... وتم عرفت راسي انني كنت غبي منين كنت كنسول الملحدين '' لو لم يكن الله موجودا من خلق الكون ؟؟ وكيف اتى الانساان ؟؟ و ماذا بعد الموت؟؟ )) عرفت مقدار الجهل لي كنت فيه و قررت نقرا على كيفية تشكل الكون و أصل الحياة وعرفت معنى الحقيقي للحياة بعيدا عن الخرافات.. عرفت انني كنت عمى كيفاش كنت كنشوف الاطفال كيتغتاصبوا و كيتحرقوا ومعمري سولت فين كيكون الله ديك الساعة وعلاش معونهمش ؟؟ ولكن في الاخير عرفت انني الى معونتش راسي مكايناش شي حاجة فسماء غتعاوني.. وديما كنقول للمتدينين منين تكون ساجد تفكر انك كتسجد لواحد كيشوف طفلة كتغتصب و كتقطع وهو كيتفرج .. وديك الساعة نتا حر قول عليه ''ارحم من الام بابنها '' او '' أنا غير كنهدر مع الارض''.

المشاركة

هناك تعليق واحد:

  1. الله يهديك هدشي الي غنقلو ليك

    ردحذف